Originalseite - 22- het eene eynde vande Roeyeboot door te gaen aende zyde jn beyde de casteelen gewrocht met Dolboomkens met kevinagels daer dore omme het smal gewant aene te beleggen, (22) Ten tweentwintichsten het voorste bindt boven den voorcant vande Stierplecht te besetten met vrome eyckene stutten Bochts gewyse te wercken naer Behooren ende aen beyde de zyden op ende neder twee voeten breete toe te wercken met goede drooghe eyckene plancken anderhalve duym dicte binnen clynckwerck buyten craveel werck van gelicken toe te wercken, de breete en diepte daer het nacht huys sal staen, ende voorts het huykens over de man te roer te wercken met zyn behoorlicke Diepte daer de calterstock mach gaen, Ende t'selve huyskens soe boven de op de zyde ende achter te Besetten met zyne behoorlicke Ribben, Ende zoe voorts toe te strycken van goede drooge noortse Deylen de blau canten geweert ende van binnen geschaeft ende Boven het nachthuys te besetten met pylaren omme de man te roer jnt stierene dore te zyn,, Originalseite - 23- (23) Ten drieentwintichsten een Cajuytken te maeken over de groote Cajuyte opde vloor lanck thien voeten, Ende vier voeten vier duymen hooge te leggen eyckene bantwegers Breet thien duymen ende dicte anderhalve Duym, daer jnne te leggen op vier voet ende vier duymen holte jnt loot anz boort gemeten ses bindekens vier duymen Breet ende drie duymen diepe aen elcke zynde een knie met haecxkens Jnde binden te sluyten, Beyde de zyde te vertuynen met een derdepart Blau wageschot binnen clynck werck Buyten craveel werk, Ende dan voorts op dese Bindekens toe te wercken met goede drooge noortse deylen de blaucant geweert ende van binnen geschaeft het voorste Bindt te besetten met zyne behoorlicke stutten jnde mitsweger een doore daer jnne Ende dan voorts toe te strycken met een Derdepert blau wageschot gegroeft Jn malcanderen, Ende van binnen aende zyden te Beschieten met goede drooge gesaechde noortse Deylen Jnsgelicx van binnen geschaeft, (24) Ten vierentwintichsten Aenden voorcant van het eerste bindt liggende achter de pompedale daer van Jnt XII ar de mentie van gemaect wert op ende Originalseite - 24- neder te besetten met eycken stutten, daer jegens aene toe te srycken het schott vande constabels camer van goede drooge pruyse deylen gegroeft jn malcanderen van binnen geschaeft met een dore jnde stierboprt zyde omme het geschut jnde camer te doen aende voorcant vande voorste poorten op den overloop op ende neder van het een boort tot het ander te strycken een eycken plancke twee Duymen ende een halff dicte, omme het water connen vuyt de cluysgaten daer te stutten aen elcke zyde een spiegadt, daer jnne te maeken midstgaders zyne behoorlicke spygaeten opde over loop, (25) Ten vyffentwintichsten jnt vlacte van den schepe tusschen de valhouten ende de wegers te vollen met eyckene plancxkens twee duymen dicte diemen wt nemen mach omme het schip daer door schoon te maeken, daer de ooschooten aene sullen gewrocht werden te besetten met eyckene stutten naer den heesch vant werck; ende boven dien jegens dese stutten te wercken met vrome eyckene brougoense cruyshouten En daer jegens aene de schoune bome ruymen te maeken van zeer drooge eyckene plancken ander halve duym dicte gegroeft jn malcanderen, Originalseite - 25- (26) Ten Sessentwintichsten het schott vande cruytcamer te wercke aende achtercant vande twee bedincxse stylen welcen en Camer ontrent Lanck te wercken ontrent te wesen een voet verscheyden vant rookgadt vande Cabuyse nu volcht de Cabuyse Ende die Lanck te wercken negen voet, welck schott vandien achtercant vande cabuyse sal commen ontrent een voet achter den achtecant van het negenste bindt te wesen, van welck schopf sal Beginnen den voorcant vande groote Bottelrie het Schott vande Brootcamer sal gewrocht werden aende achtercant van het bindt daer de pompe voor aen sal commen te staen, welcken Brootcamer vanden Spygel te meten ontrent Lanck sal commen te wesen achthien voeten, seven voeten verscheyden van die schott vande Brootcamer sal gewrocht ofte maect werden noch een schott tusschen beyde dese schouen sal het ruym wesen omme de overste zynen prowysie jn te doen aen welcke voorcant