Originalseite - 5 - (5) Ten vyffden het sathout van een stuck, so lanck men t'selve wercken can breet twintich duymen ende dicte acht duymen, over elcke zyde over de Dobbele pooten te wercken een buyck weger breet twintich duymen, Ende dicte vyff duymen, de wegers jnt ruym, dicte drie duym, ende vier duymen vanden anderen verscheyden te wercken, de Plancken vande huyt, dicte tot den ondercant vande berchouten Jnsgelcx drie duymen dicte, te wercken alle met haecken op vier Jnne houten, Ende die niet breeder te wercken dan verthien duymen den overloop van vooren tot achteren aenden Spygel te wercken op twelff voeten holte, de Coebrugge ses voeten ende een halff hooger, tsamen holte tot daer toe achthien voeten ende een halff, op dese bovengenoemde twelff voeten holte te wercken de overloopse bantwegers Lynrechtie breet vierentwintich duymen dicte vier ende een halff duym, te wercken achthien voeten leyncte vande Spygel de wegers naer achter toe, te wercken een weynich dalende omme dies ten bequamer het geschut wt te loopen, (6) Ten sesten op de bovengenoemde twelff voeten holte te leggen jnt loot aen boort gemeten twintich Originalseite - 6 - overloopse binden elck vandien diepe te wesen verthien duymen ende breet elff duymen met seven duymen bochts en onder dese twintich binden Breet twelff duymen, welcken voorcant van dit bindt sal verscheyden gelecht werden van den binnencant vande steven zeventhien voeten omme de bedincxse stylen daer achter aen te wercken, de twee mast Binden breet twelff duymen ende diepe vyffthien duymen; Een bindt voor de focke mast vry van het spor te leggen van desen achtercant van dit bindt te leggen den voorcant van het tweede bindt de binnen canten vanden anderen verscheyden te leggen drie voeten vanden achtercant van het tweede bindt te leggen den voorcant van het derde bindt ende de binnencanten Jnsgelicx vanden anderen verscheyden te leggen drie voeten, tusschen welcke tweede ende derde bindt sal wesen het Luyck om het buspoeder daer door Jnde camer te doen welck Luyck breet te wesen drie voeten, aen dit derde bint sal gesloten werden de focke knecht, (7) Ten zevensten de twee mast binden de binnen canten vanden anderen verscheyden vier voeten, Originalseite - 7 - Ende de selve zoe bequame te leggen dat de mast daer tusschen Jnne comme te staen, te weten soe naer den voor als achter steven, van achtercant van het vierde bedincxse bindt te leggen vier voeten ende een halff verscheyden den voorcant van het vyffde bint, vier voeten verscheyden vanden achtercant van het vyffde bint te leggen den voorcant van het seste bindt, tusschen welcke vyffde ende seste bindt sal wesen het Luyck van het Cabel ruym breet vier voeten, vier voeten verscheyden vanden achtercant van het seste bindt te leggen den voorcant van het sevenste bindt welcke boevengenoemde Sevenste bindt sal liggen over het cabel ruym, vier voeten verscheyden van het sevenste bindt te leggen den voorcant van het achtste bindt tusschen welcke zevenste ende achtste bindt is het roockgadt vande Cabuyse, vier voeten verscheyden vanden achtercant van het achtste bindt te leggen den voorcant van het negenste bindt tusschen welcke achtste ende negenste bindt compt het Luyck van omme Jnde Cabuyse te gaen, Ende t'selve Luyck vier voeten breete, Tusschen dit negenste ende thienste voor mast bindt te maeken een Luyck vier voeten viercant omme daer door Jnsgelicx Jnde Bottelrie te gaen, Originalseite - 8 - (8) Ten Achtsten vyff voeten ende een halff verscheyden vande achterst cant van het achterste mast bindt te leggen den voorcant van het twelftde bindt tusschen welcke Spacie sal commen te wesen het Luyck om de fictualie Jnde Bottelrie te doen, negenthien voeten verscheyden vande binnencant vanden Spygel te leggen den voorcant van een Bindt, aen welcke voorcant van het bindt sal commen te staen de pompe achter die bint ende den Spygel noch te leggen drie binden Ende die te verdeylen naer behooren, tusschen welcke binden een Luyck drie voeten ende een halff viercant te maeken, omme het broot Jnde camer te doen, noch den Voorcant van dit vierde bint daer de pompe sal staen te leggen vyff voeten ende een halff, verscheyden den achtercant van het vyffde bindt vanden Spygel te meten tusschen welcke achtercant van dit bindt, ende den voorcant vande pompe een Luyck te maeken omme den oversten zyne provysie jn zyne bottelrie te doen; voor dit vyffde bindt noch te leggen drie binden ende die te leggen ende verdeylen naer den heesch vant werck, Bringende soe tsamen vuyte(?) twintich binden vuytwysende het bj arle(?) boven gemencioneert