(Seite 2)

crop ende pyckwrangen tusschen de pyckwrangen in beseth met dry dweers houten, omme de pyck te sekerder te bewaeren verschietende alle het Inhout van beneden tot boven twee voeten een half wel dicht aen malcanderen gewrocht, ende alle vast werck tot XIII voeten holte het Schip boven syn wyde wel rondt ingetrocken, namentlick boven water ronde van bougge, de Steuynders van achter tot vooren vroom naer advenant om goet fatsoen t'hebben,

(4)

Ten vierden over elcke syde over de pooten een buyck= weger breet XVI duymen dick IIII duymen, het Saethout van een stuck soo lange ment wercken can dick VII duymen breet XIII duymen,

(5)

Ten vyffden over elcke zyde van vooren tot achter bandt wegers dick III duymen, ende breet naer behooren daerinne gelecht XVI binden XII duymen diepe, ende X duymen breet met bochts naer behooren, ende dat op X voeten holte, met de ganckboorden wt t'water, een bindt salmen aen den achtertcant leggen, vanden binnen candt vanden voorsteven XIIII voeten op dat de bedinghe daeraen gesloten worde, noch vande selve binden soo te leggen, dat de groote mast daer tusschen incompt te staen eenen voet naerder den achtersteven dan den voorsteven, het achterste gebindt salmen leggen XV voeten van den achtersteven omme een Kajute te maecken ander halfen voet boven den overloop, omme het geschut te beter achter in de billen te bringen, ende over de Keuyte salmen leggen ses bindekens van VI duymen viercandts

(Seite 3)

met haren ganckboorden, ende eycke plancken daer tegens achtervolgende den overloop, ende vande Stucken achter wort een stier stoel, omme te gebruycken tot een Zeyl koye,

(6)

Ten VIIde de overloopsche binden wel geribbet ende geschaerstockt als gevissingt, ende aende ganckboorden noch gestreken over elcke syde van vooren tot achter, dry eycke plancken, elck breet XIIII duymen, ende dicke twee duymen een half, tegens den slach van het geschut, ende dan voorts toegestreken als over de Kayute met goede drooghe pruyssche deelen, blauw canten geweert, met syn luycken daerinne naer behooren, boven den over= loop twee kropknyen, noch op de ganckboorden over elcke zyde van vooren tot achter, op ende neder een eycke weger breet XIIII duymen, ende dick twee duymen ende een half, met noch een plancke daerop, dicke twee duymen, met Spygaeten daerin naer behooren, ende boven voege water bordt in alles XII poorten diemen sluyten mach,

(7)

Ten VIII salmen t'schip noch boyen tot VI voeten holte boven de ganckboorden met eycke plancken, dicke twee duymen, daer van buyten opgeleegt, van vooren tot achter over elcke Zyde twee eycke ronde regels, diepe vier duymen, dick twee duymen,

(8)

Ten IXde eenen bantwegher gelecht van achter tot vooren, daer inne gelecht soo veel binden naer den eysch vant werck, van vroomte naer behooren, de selve binden gesloten met twee Knyen omme een bouchnet te maecken vant Stierhuys achter tot