Zeeuws Archief Middelburg, Rekenkamer C, Zugangsnummer: 508 Inventarnummer: 6285 Copie Besteck ende voorwaerde omme van wegen den Heeren Raden ter Admiral= liteyt in Zeelant te besteden eenen nieuwen Boot oft Schip van oorloge omme byden Cap. Pieter Franssen gebruykt ende gemaeckt te worden, inde plaetse van syne boodt die hy voert, ende tegens den Winter verleggen sal soo omme de cleente als der outheyts wille alles volgende de resolutie van den Heeren vanden Rade,

(1)

In den eersten LXVIII voeten Kyels aertbrekens, sonder de hielinghe breet XV duymen dick XIII duymen, den voorsteven lanck XXX voeten, breet XXII duymen, ende van binnen dicke XIII duymen, bochts V voeten, ende vallens XIIII voeten soo het werck sulcx verheyscht wel gelast aenden Kyele ende besten met een vroom slimphoudt over de lasse,

(2)

Ten tweeden naer advenant eenen vromen achtersteven lanck den achtercandt gemeten XXI voeten, bochts acht duymen, vallens VI voeten gelecht met eenen vrome Knye op de Kiel, het wytste vanden Schepe op X voeten holte ende XXVIII voeten wyte, op II voeten holte, XXI voeten vlacte soo het werck verheyscht,

(3)

Ten derden alle de wrangen diep eenen voet in de dobbele pooten VII duymen, ende breet VIII ende IX duymen, ende voorts de reste vant Inhout vroom naer advenant vrome