diepste vande Spiegel onder gewrongen, omme dies te bedrever, ende beseylder Schip te hebben,

(3)

Ten IIIden het wytste Span vande Schepe te wercken op dry ende twintich voeten wyte op anderhalf voet holte vande Kiel opwaerts negenthien voeten vlacte,

(Seite 2)

De wrangen diepe vande oppercant vande Santstroocke een voet, ende inde dobbele pooten viercant acht duymen ende voorts de reste vant Inhout vrom naer advenant vrome Crop ende pyck wrangen tusschen Inne beset ofte boven op de pyck wrangen met dry dweers houten om de pycke te styven verschietende alle het Inhout dry voeten ende een halff, ende alle het zelfde wel dichte aenden anderen te voegen ende alle het vaste werck tot thien voeten holte Int leechste vande Schepe de Stunders daer boven twee voeten, ende van voorts achter ende vooren hooger naer het heysch vant werck,

(4)

Ten IIIIden het Schip vooren omtrent de holte vanden Overloop Ront van bouge, ende oock boven den Overloop Inne getrocken naer behooren over elcke zyde Over de dobbele pooten eenen Buyckweger breet veerthien duymen ende dicke vier duymen end een halff, het Saethout van een Stuck zoo lanck men t’zelfde wercken can, breet zesthien duymen, ende dicke zes duymen,

(5)

Ten Vden over elcke zyde van vooren tot de CaJutte te leggen de overloopse Bantwegers breet twintich duymen dicte dry ende een halff duym daer Inne te leggen de twee mastbinden elck diepte vyfthien duymen, ende breet elf duymen, ende die zoo te leggen dat de mast daer tusschen Inne comt te staen, welcke voorcant vande Mast op de holte vande Overloop te meten sal dan moeten staen vande binnen Cant vande voorsteven te meten zeventhien voeten Int voorste gadt

(Seite 3)

voor dese twee mastbinden te wercken noch drye binden, ende dan noch vier binden te wercken tusschen het achterste mastbindt ende de voorcant vande CaJuyte noch vier binden, welcke vooren zeven binden diepe te wercken twaelf duymen, ende diepe thien duymen met wat bochts naer behooren den(?) al de de binden te leggen op zeven voeten ende een half holte vande Kiel opwaerts Int loot aen boort gemeten,

(6)

Ten zesten de Bantwegers vande CaJuyte vroom naer advenant, ende die te wercken op twaelff voeten lenghte, ende anderhalff voet hooger, daer Inne te leggen vier binden breet acht duymen, ende dicke zes duymen, achter anderhalff voet leeger dan dese CaJuytbinden, Insgelicx te leggen Bantwegers, ende dat vande lengte tot de binnen Cant vande Achtersteven elff voeten, dienende tot een Stierplicht daer de twee Stucken zullen op staen, om wt de Spiegel te schieten daer Inne te leggen drye binden elck viercant thien duymen,

(7)

Ten zevensten over elcke zyde van vooren tot achter een berghout een voet viercant ofte vromer zoot de besteders begeeren alle met haecken naer behooren